June 05, 2024 : Itu Directorate of Employment, Skill Development, aru Entrepreneurship toh itu “Land Restoration, Desertification, and Drought Resilience” laga theme under tey, itu World Environment Day observe kurishey, 5th June, 2024 tey.
Additional director, SavioVisa para ekta brief explanation dishey, keneka conserve kuriboley lagey aru protect kuriboley lagey moi khan laga environment toh, aru bhi bishi gaas khan plant kuri kena, aru afforestation practice kuriboley. Tai itu bhi kotha kurishey, keneka moi khan laga world Environment day toh hoiley ekta slogan “Our land Our Future” mark kuri kena asey. Itu celebration toh hoiley kosom khan khai kena mark kurishey, staff khan aru trainee khan logotey, itu Directorate of Employment Skill Development, aru Entrepreneurship laga.
Joint director, H. Alongse Sangtam, para itu occasion tey kotha kuri kena, keneka 1973 tey, itu World Environment Day toh hoiley formally practice kuria laga thakishey, aru itu toh hoiley utu homoi para continue hoi kena ahi asey itya tak. Tai para ekta brief explanation bhi dishey, itu Theme “Land Restoration, Desertification, aru Drought Resilience” opor tey. Itu current environment status opor tey kotha kuri kena, Alongse para inform kurishey, keneka itu saal toh hoiley sob para bishi groom weather asey, record kuria laga.
Itu event toh hoiley last phaney gaas laga puli khan dhali kena khotom kurishey, office laga premises khan bhitor tey, itu world Environment Day 2024 laga part hisap tey.
Add Comment