Agencies, 07 April: April 7, 2021 te World Health Day mana din te, Prime Minister Narendra Modi para etu din toh ami khan laga planet healthy rakhibole din aro rati kaam kora khan ke dhanyabad aro kushi powa aro janaidebole din ase koise.
PM Modi para COVID-19 te larai toh sob pariya precautions- mask laka, haat tholai thaka aro tusara protocols manai kena rakhibole koise. Tai para be immunity othabole aro fit thakibole nemite sob pariya steps toh lobole samjaishe.
Tai para government toh healthcare te innovation aro research te support koribole wada ase koise. Tai para manu khan ke top quality aro sosta daam healthcare pabo nemite Government of India toh besi measures te Ayushman Bharat aro PM Janaushadhi Yojana nesana loi ase koise.
World Health Day aro etu mana opor te:
1950 te suru howa bechae para World Health Day toh hotai sal April 7 te manai.
World Health Organization hisab te, etu din te ektum kaam howa health themes aro issues opor te awareness bonabole aim ase. Duniya te manu khan activities aro campaigns te hisha loi. Etu para duniya te health laga alak alak kaam laga features opor te sabole opai bonai.
World Health Day 2021 nemite theme toh ‘Building a fairer, healthier world for everyone’ ase. Pandemic nemite WHO para ami khan laga duniya toh eki (equal) nai koise. Konbah manu toh tusara para phal health services powa ase. Etu para organization (WHO) para leader khan health te eki nahowa te sabole aro sob ke quality health services nemite ensure koribole koise.
Hotai sal WHO para notun theme rakhae. Jowa sal theme toh ‘Year of the Nurse and Midwife’ thakise.
Add Comment