Singapore, 2 August : Friday din Swimming World Championships te alag-alag desh laga swimmer manu gold medal jitise, karon France laga Léon Marchand aru Canada laga Summer McIntosh Day 6 te Singapore te khela laga finals te participate nohoi thakise.
Marchand, juntu already 200m Individual Medley (IM) te world record todi dise, Sunday din last day te nijor 400m IM record todi bole try koribo.
McIntosh already tinita individual gold medal jitise aru Saturday aru Sunday din aru duita gold try koribo, total paanchta gold paabo koshi. Itu record aji tak World Championships te sirf Michael Phelps he korise.
Championship laga sobse dangor race Saturday din hobo – 800m freestyle – juntu te McIntosh aru American Katie Ledecky (world record holder) favourite ase.
Netherlands, China, Hungary aru United States Friday din individual gold medal jitise. Britain bhi nijor first gold aru Singapore te first medal men’s 4x200m relay te jitise.
Choy din laga khela te United States aru Australia milaikene gold medal table top korise, duita desh te panch panchta gold ase. Total medal hisab te America laga 20 medal ase aru Australia laga 13 medal ase.
Netherlands laga Marrit Steenbergen last 50m te dangor speed mari women’s 100m freestyle jitise. Steenbergen laga time hoise 52.55 second. Australia laga Mollie O’Callaghan silver jitise (52.67) aru United States laga Torri Huske bronze (52.89) jitise.
China laga Qin Haiyang, juntu world record holder ase, men’s 200m breaststroke jitise 2:07.41 timing te. Japan laga Ippei Watanabe second hoise (2:07.70) aru Netherlands laga Caspar Corbeau bronze jitise (2:07.73). Qin Haiyang Singapore te 100m breaststroke bhi jitise.
Men’s 4x200m freestyle relay te Britain nijor first gold aru first medal jitise, 6:59.84 timing te. China silver jitise (7:00.91) aru Australia bronze (7:00.98). United States fourth place te hoise timing 7:01.24.
Add Comment