Abu Dhabi, 20 December : After dramatic Super Shootout loss te shuru kura homoi, TSL Hawks laga team style te bounce back kurise aru ekta clinical performance dikhai gina HonorFX Eagles ke 21-14 harai dishe Match 3 te World Tennis League laga Season 3 te, iconic Etihad Arena te Friday din.
Shuru laga din nisina, Aryna Sabalenka aru Mirra Andreeva women’s doubles te bhal coordination dikhai dise, HonorFX Eagles laga Iga Swiatek aru Paula Badosa ke dominate kuri gina. Sabalenka aru Andreeva ekdom bhal start kuri 5-0 lead loise, aru opponents ke backfoot te rakhi dise. Eagles ekta serve hold kuri ekta game loi dise, kintu Sabalenka aru Andreeva jaldi te set 6-1 margin te close kuri dikhai dise, TSL Hawks karone ekta dangor advantage anibo nimite.
Sabalenka tai laga momentum women’s singles te Badosa laga against bhi rakhi dise, aru commanding performance dikhai gina set 6-2 margin te jitise. Tai laga victory TSL Hawks laga overall lead 12-3 te extend kurise.
Men’s doubles te, Alexander Shevchenko aru Stefanos Tsitsipas HonorFX Eagles karone third game te ekta early break secure kurise. Kintu TSL Hawks laga Sumit Nagal aru Jordan Thompson jaldi respond kuri, score ke level kuri 4-2 lead loi dise. Eagles fight back kuri 4-4 tie kuri dise, kintu Nagal aru Thompson calm thakigina set 6-4 te close kuri, TSL Hawks laga dominant lead rakhi dise HonorFX Eagles oppor.
Match laga crucial set – men’s singles te, Shevchenko strong start kuri third game te ekta break loi aru 5-1 lead establish kurise. Nagal ekta game pichhe loise, kintu Shevchenko set 6-2 margin te close kuri match ke Over Time te push kuri dise.
Kintu Shevchenko laga task dangor thakise, overall score 13-20 ke equalize kuribo nimite, game ke Shootout te loi gina bonus points earn kuribo karone. OT te Shevchenko positive start kuri, first game jitise, kintu Nagal survive kuri aru tai laga team ke ekta classy 21-14 win dikhai gina, season laga first win secure kurise.
Add Comment