April 27, 2024 : Kiphire district tey bhi World Veterinary Day 2024 toh hoiley observe kurishey, itu “veterinarians are essential health workers” laga theme under tey, itu Kiphire laga Veterinary Hospital tey para April 27th 2024 tey.
Itu event laga homoi tey, District Livestock Development officer (DLDO) & Chief Animal Husbandry aru Veterinary Services Officer Kiphire laga incharge – Dr. Tsulise toh hoiley theme speaker hisap tey attend kurishey.
Tai laga message tey, Dr. Tsulise para koishey ki, Veterinarians khan toh hoiley professionals khan asey kun khan toh multi-disciplinary fields khan tey specialised asey, aru tai khan toh hoiley dangor role play kurey, itu janwar aru manu khan nimitey bhi. Itu department toh hoiley dangor responsibility dhurey, rural economy uplift kuriboley laga tey, tai khan laga skills khan aru gyan khan pura chulai kena, itu livestock ke care kuriboley karney.
Itu theme speaker para itu bhi koishey Government para toh hoiley itu department ke designate kurishey, sob para bishi essential department koi kena aru itu Department officials aru staffs khan ke encourage kurishey, sincere thaki kena aru dedication thaki kena serve kuriboley, tai khan laga naam aru designation hisap tey khara thki kena kaam kuriboley koishey.
Add Comment