New Delhi, 11 March : Forbes olop din age te annual billionaires list release kori dise, juntu duniya te sobse dhoni aru influential manu khan ke rank kore. Forbes 2026 Billionaires List te 4000 pora besi dollar billionaires duniya bhar pora include ase, itu majot showbiz duniya pora bhi ketia celebrities ase. Producers, record label owners aru studio heads besi dominate kore, kintu kunba performers bhi ase kun $1 billion pora besi wealth jama kori dise.
Itu list te sobse dhoni actor/performer hoise reality TV star aru occasional actor Kim Kardashian, kun laga net worth $1.9 billion ase.
Kim Kardashian hoise celebrity lawyer Robert Kardashian. Tai early 2000s te socialite hisab te famous hoise, jetiya tai cameo role te dikhai dise Paris Hilton laga reality show The Simple Life te. Itu pichete leaked sex tape karone headlines te ahi jai, aru pichete family reality show Keeping Up with the Kardashians te appear kora shuru kore. Itu etiya The Kardashians naam te telecast hoi ase.
Career laga shuru te tai choto roles kori thakise low-budget films te Deep in the Valley aru Alligator Boots te, aru popular shows CSI: NY aru 30 Rock te cameo bhi kori thakise. Recent years te tai professional acting te bhi shift kori dise, regular roles loi American Horror Story aru All’s Fair te, aru voice performance bhi dise PAW Patrol: The Movie films te.
Tai laga net worth $1.9 billion, juntu alag acting superstars pora bhi besi ase, Arnold Schwarzenegger ($1.4B), Shah Rukh Khan ($900M), aru Tom Cruise ($750M). Eitu Jerry Seinfeld ($1.1B) aru Tyler Perry ($1.4B) pora bhi besi, kitia tai laga media franchises pora millions income kore. Duniya laga sobse dhoni female musician Taylor Swift ($1.2B) bhi Kim pora niche ase.
Acting actually Kim Kardashian laga fame laga ek part matro. Tai laga main wealth ahise tai laga businesses pora — specially tai laga shapewear brand Skims. Forbes hisab te, 2025 funding round pichete brand tou $5 billion value reach kori dise.
Add Comment