WPL 2025: Award winner laga full list

New Delhi, March 16: WPL (Women’s Premier League) 2025 season tu aro ekbar khotom hoisey. Aro Mumbai Indians tu bisi bhal perform kurikina jeetisey. Delhi Capitals para WPL te taikhan laga third defeat(haar) face kurisey aro etu tournament laga final te etu toh taikhan laga third consecutive(lagatar) haar thakisey. Etu game te Mumbai Indians(MI) aro Delhi Capitals(DC)  duijun March 15 te Mumbai laga Brabourne Stadium te ek-dusra laga mukabala kurisey. Aro etu mukabala te MI para toss harija picheyte first bat kurisey. MI laga first innings te suruwat biya thakisey. Openers Yatika Bhatia tu 8ta aro Hayley Matthews tu 3ta runs score kora picheyte out hoisey. Etu mushkil suruwat picheyte, Nat Sciver-Brunt aro Harmanpreet Kaur laga batting para MI ke recover kurikina ekta solid total banabole modod kurisey. Sciver-Brunt para 30 runs score kurisey aro Harmanpreet Kaur para 60 runs score kurisey. Taikhan duijun laga batting nimitey, MI tu taikhan laga first innings te 149 runs score kurisey. Delhi Capitals para Shree Charani, Jess Jonassen aro Marizanne Kapp para duita-duita wicket loisey. Annabel Sutherland para bi ekta wicket loisey. MI para 149 runs score kora nimitey 150 runs score kuribole laga target ke pura kuribole aim kurikina, Delhi capitals para taikhan laga innings tu Meg Lanning 13 runs aro Shafali Verma 4 runs te out hoikina suru kurisey. Jemimah Rodrigues para bi DC nimitey 30 runs score kurisey. Marizanne Kapp para 40 runs add kurisey; hoilebi, dusra batters khan eman score kuribole napara nimitey, Delhi Capitals tu aro ekbar target pura kuribole paranai. DC para 141 runs hey score kuribole parisey. Enaka kurikina taikhan final tu 8 runs nupungchikina harisey. Etu yaad rakhibole jaruri asey ki etu toh Mumbai Indians laga second title jeeta laga thakisey. MI para etu tournament laga inaugural session te Delhi Capitals ke haraisey. Enaka kurikina 2023 te taikhan laga first WPL title jitisiley. Aro etya 2025 te etu title second bar jitisey. Award winners laga full list tu yatey asey: Winner: Mumbai Indians. Runner-up: Delhi Capitals. MVP award: Nat Sciver-Brunt. Orange Cap: Nat Sciver-Brunt. Purple Cap: Amelia Kerr. Etu season award laga emerging player: Amanjot Kaur. Fairplay award: Gujarat Giants. Highest strike rate: Chinelle Henry. Most sixes: Ashleigh Gardner. Best Catch: Annabel Sutherland. Most dot balls: Shabnim Ismail.