Agencies, 07 September: Freestyle Wrestler Rahul Aware (57 kg) toh September 4 direk Sports Authority of India (SAI), Sonepat te jai thaka senior men wrestling nemide ponja thakise aro tai ke toh SAI’s mandatory Covid-19 RTPCR test para virus nemide positive test olaise.
Protocol hisaab te, Aware to etiya SAI empanelled hospital te perecutionary measure nemide aro agae shaijabo nemide shift korise.
Tai toh camp te ponja samai para quarantine te ase aro tai toh athlete nahoile staff member kon logode hoilebe ponja bechide para contact howa nai.
Etu agae te, Olympic-bound wrestler Deepak Punia ke toh national camp, Sonepat te ponja samai corona virus nemide positive test kora thakise aro doctors para tai ke home isolation thakibole nemide samjaideya thakise.
Wrestler Deepak Punia be National Camp Sonepat te ponja njemide SAI para test kora te positive ola thakise aro tai toh hospital te thakise. Etiya tai ke toh dotors para home quarantine te thakibole samjaishe kelay koile tai laga gao thek thaka nemide aro asymptomatic howa nemide. Tai khor te thakibole nemide District COV ID Nodal Officer para namishe.
Punia (86 kg) ke chari kena tusara tuita wrestlers ke virus nemide positive test powa toh Navin (65 kg) aro Krisha (125 kg) ase.
World Championship silver-medallist Deepak para IANS ke koise, tai toh etiya tai laga khor Jhajjar, Haryana nemide charibo. Tai para tai laga second report toh nahai kena ase koise. Hoilebe doctors para tai toh khor nemide jabole pari koise. Etiya tak, tai ke eku symptoms nai aro tai toh thek para ase koise.
Add Comment