New Delhi, 21 May : Wrestling Federation of India (WFI) para Tuesday dey sob six Olympic quota winners ke selection trials para exempt kuriboley faisla kurishey huilewi taikhan laga form aro fitness ke Hungary dey ahi thakia Ranking Series event aro subsequent training camp dey reassess kuribo. WFI kuishey ki trials naluwoley laga faisla toh peculiar circumstances andar dey luishey aro future dey precedet nishna nachulawo lagey. WFI para bhi kuishey ki juti eku wrestler bhi fitness dey lacking thakishey kuiley, federation para trials homoi ekta replacement consider kuribo July 8 agey dey, entries pathawoley laga deadline.
India toh Paris Games karney six quotas asey kutey Aman Sehrawat (57kg) toh desh para fray dey ekela mota wrestler huwo.
Vinesh Phogat (50kg), Antim Panghal (53kg), Anshu Malik (57kg), Nisha Dahiya (68kg) aro Reetika Hooda (76kg) toh qualify hua mahila wrestlers asey.
Itu wrestlers para WFI ke trials naluwoley request kurishey, ladai kurishey ki itu karney jokhum huwo parey aro itu selection committee, President Sanjay Singh para lead kurina, itu plea accept kurishey.
Itu quota winners toh ekta UWW Ranking Series dey compete kuribo Budapest dey, June 6-9 tak aro itu tournament khotom hua piche dey ekta training camp dey bhi participate kuribo June 10-21 tak.
WFI laga itu faisla para Tokyo Games silver medallist Ravi Dahiya (mota laga 57kg) aro World Championship bronze winner Sarita Mor (mahila laga 57kg) ke Paris Olympic door bondh kuri dishey, kun jun trials karney taiyari kuri thakishey.
Add Comment