Writer aro Padma Shri Awardee Lakhminandan Bora morishe

June 3, 2021. Assam laga eminent writer, Lakhminandan Bora toh Thursday din morishe koishe. Etu samai tai laga umer toh 88 saal thakishe aro khobor hesab te Lakhminandan Bora toh COVID-19 bemar para mora ase koishe. Lakhminandan Bora toh Assamese novelist aro short story writer thakishe. Bora para 60 books neshina lekina ase aro novels Patal Bhairavi aro Kayakalpa te award kamyaab paishe. Lakhminandan Bora ke 2015 saal te Padma Shri Award saman korishe aro tai toh Sahitya Academy Award aro Saraswati Samman award be paikena ase. Lakshmi Nandan Bora toh June 15, 1932 saal, Nagaon district, Hatichung,  Kudijah bosti te jonom paishe. Tai toh aro Assam Sahitya Sabha te 1996 – 1997 saal te president kam korishe. Assam Chief Minister Himanta Biswa Sarma para junaishe ke, lakhminandan Bora laga last rites toh pura State honours para loboli koishe.