June 26, 2024: Western Sümi Baptist Akukuhou Küqhakulu (WSBAK) para itu toh ekta nahoboley laga ghatna asey koi kena koishey, kotey, olop din agetey ekta Dimapur laga Urban Local Body laga candidate toh hoiley, ekta Jain Mandir laga priest laga agetey jhukishey, tai laga blessing aru favour loboley, ekta particular religious community para.
Ekta statement tey, WSBAK laga executive secretary Rev. Dr. Phughoto Sema para aru bhi koishey ki, itu Association toh hoiley staunch supporter asey, itu NBCC Clean Election Movement laga, inception hoa time para ari itu nimitey, utu homoi tey, tai khan toh hoiley itu ke endorse bhi nakuribo aru chupchap bhi nabuhibo, eneka nishina kaam khan kuri thaka jani kena, kuntu para toh Christian khan laga bisas aru image toh biya aru badnam kurey.
Tai para aru koishey ki, eneka nishina action kuria toh hoiley khali Christian laga faith aru image ke he biya kuria he nahoi, WSBAK para itu bhi term kurishey ki, eneka nishina behaviour kuria toh Isor ke insult kuria laga asey, kuntu para toh Christian community ke sorom khilai dishey.
WSBAK para acknowledge kurishey, ki, tai khan toh hoiley alag religious faith khan ke respect kurey aru tai khan laga diversity ke bhi embrace kurey, tai para sob Christian khan ke eneka morom aru respect kuriboley koishey itu Bible para shikha laga hisap tey.
Add Comment