Chennai, August 16, 2026: Government of Tamil Nadu laga hath te para Rs 10 crore support pa piche WTA 250 Chennai Open international women’s tennis championship host kurea karne, Tamil Nadu Tennis Association (TNTA) khan confident ase tai khan bache kena thakea sponsorship toh pai jabole tournament karne. Tournament toh November 2 te shuru kure kena November 8 tuk thake bole ase. TNTA president Vijay Amritraj para press conference te para koi she ki, sob corporates kun poila te tournament ke support kure she tai khan aro ahge te ahe modok kure bole karne. Chennai Open te, first time karne electronic line calling technology thake bole ase sob courts te. Ja sal khali Centre court te he utu technology toh cholai she.
WTA Chennai Open toh November 2 te para 8 tuk thake bole ase
