Wuhan city te WHO para virus ola jaga sapoli ase

December 17, 2020. Aha moina te 10 international scientists khan Chinese laga Wuhan city te Covid-19 bemari ola jaga te investigate koriboli jabo koikena World Health Organization (WHO) para junaishe. Beijing para investigate nemite monjur thaka nai ato tai khan para WHO logot desh te ahiboli mana toh besi moina kotha kori thakishe. Virus toh city te janwar mongso beka jaga para olaishe koikena bapana te ase. Hoilebi, etu khobor pesara samai United States logot bapana ase. President Donald Trump laga administration para koishe, China para bemari ola toh lukaboli korishe. Wuhan te jaboli laga biologist team ek jun para Associated Press news agency logot koishe, WHO para putnam thiboli kora nahoi hoilebi, bemari toh aha din samai rokaboli nemite ase. “etu desh laga kolti persarai naho,” koikena Germany laga Robert Koch Institute, Fabian Leendertz para koishe. “kotha toh janiboli nemite aro ke hoishe sabo nemite, ami khan para aha din te risk toh komti hobo kam te ase”. Dr Leendertz para koishe, ami khan bapana te virus toh keneka olaishe aro Wuhan para olaishe naa nahoi, etu janibo nemite ase. Tai khan laga kam toh 4 hafta nahoile 5 hafta neshina thakibo koishe. Olop din akhe te virus toh Wuhan, Hubei province, laga “wet market” para thurishe aro etu jag ate janwar para manuh oper te virus toh jasishe, koikena kotha kori thakishe. Etu nemite, experts khan para etu jaga te olaishe besas ase. Researchers para kowa toh coronaviruses toh 10 saal akhe para bats logot ase aro etu manuh logot thurishe besas ase. Jaa sal December moina te, Wuhan Central Hospital te Chinese doctor, Li Wenliang para notun bemari ola nemite tai logot kam kora manuh khan logot hoshari hoboli koishe, hoilebi police para “khobor mesa nakoboli” koishe aro “khboro mesa phela” nemite investigated korishe. Dr Li toh bemari manuh logot elaj kora samai virus para February moina te morishe koishe.