April 05, 2024 : Yimkhiung Akherü Arihako (YAA) para toh hoiley direct kurishey, aru empower kurishey sob ke, tai khan laga federating unit khan ke, strict para implement kuriboley itu YAA Federal Assembly Resolution No. 18 (Act 2022) kuntu prohibit kurey, prozy teacher khan dhaliboley, tai khan laga respective jurisdiction khan tey (town hobi, bosti hobi), aru homoi homoi tey check kuri thakey, teacher khan opor tey, tai khan laga duty toh thik para kuri asey na nai koi kena.
YAA laga president – Keyoungkhum aru general secretary – Toshikhiung para ekta directive tey, itu federating unit khan ke action loboley karney bhi instruct kurishey, itu defaulter khan ke, tai khan sajaa paboley laga hisap tey, nahoiley itu case khan toh YAA laga office tey forward kuriboley koishey, lagi thaka proceeding khan loboley karney.
Itu directive khan toh itu YAA tey complain khan para pichetey follow kurey, ki, alag alag teacher khan kuntu toh government school khan tey post hoi kena thaka khan lagam Yimkhiung jurisdiction under tey, kun khan toh hoiley tai khan laga duty khan neglect kuri asey, eneka asey ki, tai khan toh tai khan laga posting jaga tey bhi nathakey, shuru laga academic session laga time para, aru alag khan toh hoiley proxy teacher khan dhali kena rakhishey, kuntu toh, itu organization para toh hoiley duty laga dereliction hisap term kurishey.
Add Comment