Tuensang, 13 June: Tuensang District pithor Chang villages laga ekta Yali bosti toh sob eligible citizens ke COVID-19 vaccination nemite agae ahishe. Etu te, ekta special vaccination drive toh 13th June, 2021 te ADC, Tuensang, Ajit Kumar Verma, IAS, para SDO (C), Rohit Singh, IAS and SDPO, Tuensang, Kanchan Kumar Kandpal, IPS logote Yali bosti laga Church premises te suru korise.
ADC para bosti laga dangor manu aro leader khan agae ahikena bosti laga sob eligible beneficiaries ke vaccinate koribole fesla te dhanyabad aro kushi powa janaishe. Tai para be rural areas te vaccination drive laga pura coverage te first aro kaam laga step hisab te mark korise koise aro district laga sob tusara bosti khan be vaccination para COVID-19 kelaaf fight te cooperation debole koise.
Vaccination drive toh notun vaccination strategy laga part ase aro etu toh joint initiative of District Task Force on COVID-19, Medical Department, CBLT office & ECS pithor te district laga sob bosti te ekta para ekta vaccinate koribole nemite ase koise.
First vaccination drive te olop beneficiaries ke he vaccinate korise hoilebe CBLT para District Task Force logote kotha kora bechite aro bosti te vaccination kaam howa opor te janaideya bechite pura bosti te vaccinate koribole fesla korise.
Add Comment