Madrid, 9 March : FC Barcelona La Liga te top position maintain kori ase, Athletic Bilbao ke 1-0 pora haraise. Match laga ekmatra goal dise Lamine Yamal, juntu second half majote penalty area laga right side pora Pedri laga pass loi ekdom unstoppable shot mari post laga bhitor pora goal kori dise.
Result ekta harsh hoise Athletic Bilbao karone, karon team tu bhal khela dikhai dise, especially tin din age Real Sociedad khilaf Copa del Rey semifinal haria pichete. Bilbao midfielder Unai Gomez bhi early stage te serious knee injury paise, kintu team last tak fight kori thakise. Halftime te Pedri entry decisive prove hoise.
Dusra match te Nico Gonzalez duita goal mari Atletico Madrid ke Real Sociedad biruddhe important win di dise, juntu Copa del Rey final age ekta dress rehearsal nisina hoise.
Alexander Sorloth fifth minute te Atletico karone first goal marise, itu pichete Carlos Soler ninth minute te equalise korise. Pichete Nico Gonzalez 67th minute te Atletico ke phir lead di dise, kintu Mikel Oyarzabal ek minute pichete equalise kori dise. Last te Nico Gonzalez aru ekta goal mari match jiti loise.
Aru ek match te Girona FC last moment te equalise kori Levante UD ke heartbreak dise. Carlos Espi 50th minute te header mari Levante ke lead di dise. Kintu Jon Ander Olasagasti red card pai Levante 10 manu loi khelibo lagise. Injury time te Joel Roca long-range shot mari deflection logote goal kori dise, goalkeeper Matt Ryan ke beat korise.
Aru ek dramatic match te CA Osasuna late comeback kori RCD Mallorca logote 2-2 draw khelise El Sadar Stadium te. Match tu Martin Demichelis laga coaching debut bhi hoise.
Vedat Muriqi duita goal mari Mallorca ke 2-0 lead di dise. Pichete Jan Virgili red card pai Mallorca 10 manu hoise, aru itu pichete Raul Garcia bhi dismiss hoise Osasuna pora. Last moments te Kike Barja (89’) aru Ante Budimir (94’) goal mari Osasuna ek point bachaise, juntu Mallorca ke relegation zone te chari dise.
Add Comment