Mumbai, January 19: Yami Gautam ke theatre te nidikha ek-saal opor hoisey. Aro fans khan para taikey theatre te sabole nimitey aro lamba intazar kuribo lagibo. Kilemaney tailaga nutun film Dhoom Dhaam tu Netflix te online release hobole asey. Etu film laga co-star Pratik Gandhi asey.
Sunday te, Netflix para ekta interesting poster dikhaikina etu film laga release laga bari te announce kurisey. Etu film laga priemere date(etu film sobsey poila dikha tarik) tu etya tak bi reveal koranai. Hoilebi enaka charcha chuliasey ki etu film tu first Valentine’s Day te release hobo parey. Hoilebi official confirmation pabole baki asey.
Etu film laga announcement poster para etu laga unique design para sob manu laga dhyan khichisey, kuntu toh ekta shaddi laga advertisement nisna dikhi thakisey. Etu film te Yami Gautam tu Koyal Chadda laga role kuriasey, kun Mumbai para aha maiki asey aro Pratik Gandhi tu veterinary doctor Dr. Veer laga role kuriasey kun Gujarat para asey. Etu film laga kahani tu etu duita character para kinaka taikhan laga arrange marriage laga journey korey etu laga bari te asey. Aro etu film te jokes, romance aro action bi thakibole asey.
Etu film ke Rishab Seth para direct kurisey, Jyoti Deshpande, Aditya Dhar, Lokesh Dhar, Puneet Waddan aro dusra khan para produce kurisey. Etu film te Keshav Dhar laga music bi feature kuribole asey.
Add Comment