NEW DELHI: CBI para tai khan nijor laga duita officers, Uttar Pradesh government laga district administration employee aro kunba unidentified state police personnel laga khilaf te case kuri dishe. CBI para etu case toh tai khan Yamuna Express Industrial Development Authority (YEIDA) land scam te “illegal and corrupt practice” kura nimite etu charges tai khan opor te lagaishe.
Saturday FIR file kura hesab te Central Bureau of Investigation (CBI) para tai khan laga Inspector VS Rathore aro Assistant Sub-Inspector Sunil Dutt khilaf te charges lagaishe. Mr Rathore toh central probe agency laga anti-corruption branch te post ho kena ase. Etu toh Uttar Pradesh laga Ghaziabad district te ase. Aro Mr Dutt toh CBI academy Ghaziabad te employee ase.
Tai khan duijon chari kena Ranveer Singh laga naam bhi FIR te ase. Ranveer Singh toh Uttar Pradesh laga administration te Tehsildar hesab te post hoi kena ase. Aro ranveer Singh bhi YEIDA land scam case laga suspect ase. YEIDA case toh Uttar Pradesh government para CBI logote transfer kuribole laga process te ase.
Etu manu khan opor te criminal conspiracy, duty samay te ekmandar kaam kuri kena na dekha aro public servants ke rishwat dibole kosis kura laga charges tai khan opor te lagaishe.
FIR hesab te charges laga duita CBI officers bhi “illegal aro corrupt practice” te meli kena ase.
Mr Singh aro tai logote biya kaam te meli kena thaka Mr Rathore, Mr Dutt toh police para nijor aro dusra khan ke undue relief pabole nimite YEIDA case te meli kena thaka inzaam kurishe.
Mr Singh opor te January 31 te Mr Rathore aro Mr Dutt ke Rs 10 lakh rishwat diya laga inzam ase. Etu toh state police laga modot para case investigation toh manage kuribole dibole nimite dishe.
FIR te koishe case settle kuribole nimite duita CBI officials khan para Rs. 25 lakh para case toh settle kuribo koishe. Deal toh Rs. 20 lakh te finalize koishe.
Add Comment