Agencies, 08 June: Yash Raj Films toh Bollywood te ekta leading production houses ase aro etu para tursday te vaccination drive laga first phase toh suru korise. Etu toh Hindi film industrylaga 4000 nesana kaam kora manu khan ke vaccinate koribole nemite. Yash Raj Films (YRF) para Federation of Western India Cine Employees (FWICE) laga 30,000 registered members ke vaccinate koribole wada korise. FWICE te sob melikena 2.5 lakh registered workers ase.
Vaccination drive toh YRF studios te loise. Akshaye Widhani, Senior Vice President, Yash Raj Films para FWICE members nemite drive suru kora te kushi powa janaishe aro etu para industry te ektum dekthari powa te aro phal hobole motob pabole ase koise.
Jowa hapta Producers Guild of India (PGI), Indian film laga association, television aro digital content producers, para be members aro production crews nemite vaccination drive suru koribole janaideya thakise.
Indian Motion Picture Producers” Association (IMPPA) aro Screenwriters Association (SWA) para be tai khan laga members nemite free vaccine drives lobole janaishe.
Add Comment