June 2, 2024: Red Sea aro Indian Ocean deh Yemen laka Houthis para choitha operations conduct kuri shae, ekta US aircraft carrier, ekta U.S destroyer aro teentha vessels keh target kuri bo karne, Iranian backed group military spokesperson Yahya Saree para Saturday din deh kui shae. Houthi militia, kuto Yemen laka bishi wak jaka kan control kure aro Iran lokot deh aligned ase, taikan bishi mohina karne ships kan keh hamla kuri ase. Houthi militia para taikan tho Palestinians kan lokot solidarity deh act kuri ase kui shae. “Group para missiles aro drones kan chui nah American aircraft carrier, Eisenhower keh target kuri shae, Red Sea laka north phale,” Saree para kui shae. Tai para etu tho 24 hours pitor deh 2nd hamla ase kui shae, kuto Carrier laka against operation kuri shae. Spokesperson para alak operations kan, Red Sea deh taka ekta U.S destroyer aro ABLIANI ship keh b target kuri shae kui shae. Houthi fighters laka drones aro missiles kan tho Bab al-Mandab Strait aro Guld of Aden deh b aim kuri nah ase. Etu para shippers kan keh alak rasta lubo di ase.
Yemen laka Houthis para US aircraft carrier keh target kuri shae
Add Comment