December 21, 2024: Saturday din deh Israel laka military para taikan, Yemen para launch hua ekta projectile keh ruka bole para nai kui shae. Etu projectile tho Tel Aviv osor deh giri shae aro medical service para teenjun manu jokom kai shae kui shae.
“Central Israel deh sirens kan ola piche deh Yemen para ekta projectile launch hui shae kui nah identify kuri shae aro etu projectile keh ruka bole koshish tho successful hua nai,” Israeli military para taikan laka Telegram channel deh kui shae.
Yemen laka Iranian-backed Huthi rebels para Israel laka against missile hamla kan launch kuri nah ahi ase, Gaza deh war tho shuru hua piche deh. Launch hua bishi wak missile kan tho rukai di shae.
“Olop time agae deh, ekta weapon, Tele Aviv district laka pitor deh taka settlements ekta deh giri shae kui nah report pai shae,” Israel laka police para Saturday din deh kui shae.
Israel laka medical service para teenjun keh hospital deh lui jai shae kui shae aro alak manu kan keh tho utu jaka deh heh treat kuri di shae kui shae.
Add Comment