SANAA, YEMEN: Blockade capital laga rebels koishe Yemen te notun jonom huwa conjoined twins juldi lagi thaka medical treatment na pa nimite murishe.Etu toh Sana ate Saturday te hoishe.
Abdelkhaleq aro Abdelrahim toh dui hafta agote Sanaa bahar te jonom hoishe. Tai khan duijon toh kidney aro thang toh ekjon ekjon logote share kure.Hoile bhi tai khan duijon laga hearts aro lungs toh alak alak ase.
Sanaa, Al-Thawra hospital laga paediatrics laga head Dr Faisal al-Babili koishe ke tai laga department te notun jonom huwa bacha khan ke alak nohoile bhi treatment kuribole nai. Aro tai para Wednsday te adroad te modot nimite appeal kurishe.
Satarday rebels khan laga media statement hesab te Huthi rebels khan para Riyadh-led military coalition k bacha mura nimite inzam dishe. Ti khan koishe ke Riyadh-led military coalition para tai khan nimite Sanaa airport khulibole mana kurishe. Huthi rebels toh 2014 saal para Saudi-backed government logote larai kuri ase.
Wednesday saam te Saudi Arabia laga King Salman Aid and Relief Centre laga head Abdullah al-Rabeeah koishe bacha khan ke treatment dibo nimite tai khan logote team taiyar hoi kena thakishe.
Yemen te rebels khan para dhuri rakhi kena thaka jaga khan toh Saudi-led military coalition khan para bon kuri rakhi kena thakishe.
Yemen te larai nimite health services khan bi biya hoi kena ase. Aro bishi hospitals khan toh special aro rare conditions nimite taiyar nai.
Add Comment