Yogi Adityanath para Meat, Liquor Trade ban junaishe

Mathura: Monday din te Uttar Pradesh Chief Minister Yogi Adityanath para Mathura te liquor aro meat bekaboli pura-puri ban koribo koikena junai thishe.“officers in-charge khan ke plan bonaikena ban koriboli janaishe. Chief minister para Lucknow te Krishnotsava 2021 programme ekta te kotha kora samai etu khobor toh koishe. Tai para aro koishe ke, kaun manuh liquor aro meat business te kam kori ase, tai khan ke Mathura te jevan paboli nemite milk bekaboli janaishe. Mr Adityanath para aro Lord Krishna logot parthana korikena novel coronavirus bemari hatiboli koishe. “parai dak kam korikena Brij Bhumi othaboli lage aro etu funds pabo nemite eku para narokabo. Ami khan para modern technology, cultural aro spiritual heritage nemite etu jaga te development anibo,” koikena Uttar Pradesh Chief Minister Yogi Adityanath para janaishe. Priest thakina politician te jowa manuh para aro Prime Minister Narendra Modi logot desh nemite notun rasta dika nemite besi kushi powa janaishe. Tai para aro koishe ke, besi saal para besas thakai jaga ekta nasaikena thaka toh itya bhal bonaikena jai ase. Etu occasion samai Cabinet ministers Laxmi Narain Chaudhary aro Shrikant Sharma be samil thakishe.