“Bharat Ratna Atal Bihari Vajpayee Ekana Cricket Stadium”, Lucknow laga te Tuesday din kholidese. Ahkete etu Stadium toh “Ekana International Cricket Stadium” koi kena thakise. Huilebi edia toh Purana Prime Minister Atal Bihari Vajpayee ke ekta hisab dekhaidiya naam pora (to honour) stadium laga naam botli kuridese koi kena, etu CM Yogi pora janaise.
Etu Stadium te 50,000 jaka manu kab bohibole bara laga ase. Aro etu stadium te bi 2nd T20I kobi edia bi jai thaka 3-match series manabole ase koise. Etubi India aro West Indies desh 2 jun laga khel edia bi jai thaka laga.
Etu Stadium khola din te kotha kurikena CM Yogi pora ami kan khali Cricket khel ekela hi ahkete anebole kura nahui. Huilebi Sports khel kiman ta ase etu kan sob ami kan desh sob jaka te ahkete anedebole kuri ase koi kena janaise. Etu oporte ami desh laga PM Modi bi ami kan desh te Sports toh ahkete anedebole bhal babuna te ase. Etu pora ami kan dangor khel khela jaka toh ami kan desh laga sob bosti te anedebole kuri ase koi kena janaise.
Add Comment