Yoshihide Suga ke notun Japan Prime Minister juinshe

Tokyo:  September 16, 2020. Wednesday din, Japan parliament para Yoshihide Suga ke Prime Minister junishe. Purana chief cabinet secretary para purana P.M Shinzo Abe laga kam toh loikena jaboli koishe. “result hesab te, ami khan laga house para Yoshihide Suga laga nam toh prime minister koriboli fesla hoishe,” lower house speaker Tadamori Oshima para votes kenti kora beche parlianment logot junai thishe. Yoshihide Suga, 71 umer, asani para jetishe, 462 votes pithor te tai 314 votes toh lower house of parliament para paishe, etu samay, tai laga ruling Liberal Democratic Party para  be coalition partner logot majority paishe. Suga para kushi thishe aro fesla junai deya beche lawmakers khan para tali maeishe, hoilebi, etu samay tai eku jawab thaka nai. Wednesday din te, Sugar para tai laga cabinet khan juniboli ase. Local media para khobor koishe ke, tai ministers khan besi wala toh Abe’s government para thakibo. Suga para koishe ke, coronavirus bemari toh control te rakibo aro Japan economy toh bonabo. Suga para wada korishe ke, Abe laga  key policy programmes toh aro korikena jabo.