New Delhi, 28 October : Weightlifting te, Priteesmita Bhoi girls 44kg category te gold medal jitishe aru clean and jerk te world youth record bhi todise, Youth Asian Games te. 16 saal laga Priteesmita 92kg clean aru jerk te lift kori world youth record set korise, aru 66kg snatch te lift korina total 158kg aggregate loise competition te top podium spot loi jaise. Itu din te India boys 60kg category te silver medal bhi jitise.
Priteesmita first attempt te clean and jerk te 87kg lift korise, itu pichete second lift te 3kg barai 90kg korise, aru last attempt te successfully 92kg lift kori record todise. Snatch te, tai first lift 66kg successful hoi, kintu next duita attempt 68kg aru 69kg te fail korise.
Add Comment