Itu Youth Parliament session laga ekta debate hoishey ‘One Nation, One Election: Ekta boon nahoiley ekta bane Indian Democracy nimitey’ itu theme opor tey, toh hoiley organised kurishey, SVEEP activities logotey connection thaki kena, kotey students khan Model Christian college, Japfii Christian college, Kros college, Nagaland University Meriema aru St. Joseph college para participat kurishey itu debate tey.
Kohima laga Deputy Commissioner aru DEO – Shanavas C, para tai laga welcome address tey koishey itu toh hoiley mon chui, itu dikhi kena ki, students khan toh hoiley agey ahishey, discuss kuriboley aru debate kuriboley, ekta controversial topic tey, kuntu toh hoiley itu homoi tey lagi thaka laga asey, awareness bana- boley ek jon ek jon laga rights opor tey, ekta democratic country tey.
Tai para koishey itu debate toh hoiley jeetiboley laga nahoiley hariboley laga nahoi, itu toh hoiley participate kuria he dangor kotha asey. Itu DC para free aru fair voting laga topic opor tey bhi enlighten kurishey, aji kali laga election khan laga scenario ke sai kena aru question kurishey, moi khan itu toh practice kuri asey na nai, itu democracy aru election laga right meaning toh.
Add Comment