Youtuber ekta ke book kurise BSP chief ke bodnam kura karone

Lucknow, 23 August 2025: YouTuber Puneet Superstar (Prakash Kumar), juntu laga “bizarre aru cringe” video karone famous ase, legal problem te pasi jaise karon BSP chief aru former UP CM Mayawati ke “mummy” koise. Ghaziabad police taike case file kori dise karon BSP leader khan strong protest korise. Puneet ekta video te SP president Akhilesh Yadav ke bhi “papa” koise. Tuesday din, Puneet Instagram te eta video upload korise jate Mayawati laga photo lagaise aru taike “mummy” bar bar koise. Taike Instagram te 10.8 crore follower ase. Video viral hoa logote BSP worker khan etu “insulting aru derogatory” koi kena strongly oppose korise. Wednesday rati, BSP Ghaziabad district president Narendra Mohit, logot Mandal Prabhari Dayaram Sain, Metropolitan Vice-President Pankaj Sharma aru District General Secretary Lekhraj Bauddh, police station te complaint file korise. Complaint te koise Puneet, juntu Ghaziabad Bhopura Extension-2 te thake, Mayawati ke mock korise Instagram account ‘puneetsuperr\_star’ use kori kena. Mayawati supporters khan taike “Behenji” sammaan kore. Complaint te koise etu “ekta disturb koribole aru ekta leader ke disrespect koribo” karone banaise. Ghaziabad DCP Nimish Patil confirm korise ki Puneet opor IPC aru IT Act laga section hisap te case file kora jaise. Heavy criticism aru FIR pichete, Puneet ekta apology video upload korise. Hand fold kori kena: “Sathi khan, kali rati moi Mayawati ji opor ekta video banai dise. Moi laga intention to feeling hurt koribo nahoi. Jodi hurt hoise, moi haath jori kena apology mangi ase. Moi repeat na koribo. Jai Shri Ram.” Apology video bhi viral hoise kintu BSP worker khan strict action demand kori thakise. Recent te bhi Puneet ekta video banai se SP chief Akhilesh Yadav ke “Papa” koi kena iPhone 16 Pro Max kinidibo request korise. Puneet unconventional aru cringe content karone millions follower gain korise, kintu bar bar criticism face kori thake. YouTube te 208K subscriber ase, kintu Instagram te besi famous ase. 2023 te bhi taike Bigg Boss OTT Season 2 te 24 ghonta enter kori dise, jate taike “cringe” koi kena describe kora jaise.