Nagaland

YRS para news report deh clarify kuri shae

August 9, 2024

August 8, 2024: Department of Youth Resources & Sports para ekta news report “WHY DID GOVT OF NAGALAND RE-INAUGURATE ALREADY COMPLETED KHELO INDIA PROJECTS WORTH INR 33 CRORE?”, deh ekta clarification issue kuri shae. Etu video tho Nagaland News Network para YouTube deh post kuri shae aro Esther Verma para report kuri shae, 5th August 2024 din deh.

Department para  Ministry of Youth Affairs & Sports, Gol para State keh 11 projects sanctioned kuri shae kui shae, tateh para ekta tho Sports Authority of India keh allot kuri shae, Imphal, Manipur deh taka taikan laka regional offices aro baja Government of Nagaland kan lokot deh, Department of Youth Resources & Sports lokot deh. Reporter para pastha mention kura projects tho 2020 deh shuru kui shae aro stipulated time frame laka pitor deh kotom kuri shae. Aro kotom kuri nah, projects tho Union Minister for youth Affairs & Sports aro Information & Broadcasting Anurag Singh Thakur para virtually inaugurate kuri shae, 11th march, 2024 din deh.

Taikan para projects kan keh re-inaugurate kuri shae kui nah allegation tho first, question para bahar ase kui shae, kile koile projects tho Union Minister for youth Affairs & Sports para inaugurate kuri shae, Chief Minister Nagaland laka agae deh.  Etu eki tho report para dika photo deh diki bo pareh. Secondly, sanction time deh fund tho pura release kuri shae kui nah reporter para najani nah papi kui shae. Enaka tho nahoi, kile fund tho khali sanction heh kureh aro piche deh release hoi, parts deh. Funds tho Khelo India operational guidelines para set kura milestone puncha piche de release hui kui shae,

Department para public aro sob stake holders kan laka active involvement tho kushi pai kui shae, taikan laka endeavor deh, hoile b media channels deh misleading aro unverified information circulate hua tho development karne bhal nai kui shae. Taikan para Department tho doubts kan clarify kuri bole kushi deh ase kui shae aro taikan laka information kan share kuri bole open ase kui shae. Department para reputed media keh sob concerned sources para facts kan confirm kuri b kui shae, allegations kan nahu ta time deh.

(DIPR)