New Delhi, 25 October : India laga Yuki Bhambri aru Croatia laga Andre Goransson Friday din te World No. 2 pair Mate Pavic aru Marcelo Arevalo ke haraina Vienna Open 2025 men’s doubles laga semifinals te entry loise.
Bhambri aru Goransson quarterfinal match walkover pora jiti loise, karon Pavic-Arevalo pair injury karone duita set pora retire kori dise. Unseeded Bhambri-Goransson duo first set 6-7[6] te hara thakise, kintu second set 6-4 te jiti loise. Pavic-Arevalo pair French Open 2024 te Italians Simone Bolelli aru Andrea Vavasorri ke harai title jiti thakise.
Etia saal laga surute bhi Bhambri Pavic-Arevalo duo ke harai thakise ATP 500 Dubai tournament laga quarterfinals te, itu time te tai laga partner Ivan Dodig thakise.
Bhambri aru Goransson pair, junne Round of 16 te Austrian duo Neil Oberleitner aru Joel Schwaerzler ke harai thakise, semifinals te Saturday din Austria laga Lucas Miedler aru Portugal laga Francisco Cabral logot mukabla koribo.
Add Comment