KOHIMA, SEPTEMBER 15 : Poshan (Nutrition) nemite kotha khilaf pora janaide thaka kan 200 jun Volunteers kan alak-alak Colleges laga kan Yuva Shakti Rally te hisha kurikena thakise. Aro etu Rally toh Advisor, Youth Resources & Sports, Er. Zale Neikha pora suru kuridese koise.
Etu Rally toh Department of Youth Resources aro Sports kan pora manabole kura laga ase. Aro etu ke 7 line Departments kan bi melekena eke pora motub kurikena (support) manabole kurise koise. Etubi Badminton Stadium, Kohima pora suru kurikena Kohima Local Ground dak. Aro etu Rally mana toh 15th September 2018 te, jua kali manaise kosie.
Etu Rally din te kotha kurikena Advisor, Er. Zale pora chama kurikena thaka manu kan ke etu Poshan (Nutrition) pora bacha kan aro ped te bacha thaka kan nemite bhal hua (importance) laga kotha janaide thakise. Etubi Bosti-Bosti jaka te thaka kan nemite. Etu karne Youths kan ke etu Poshan laga bhal toh ami kan desh sob ke janaidebole kuribo lagi koi kena janaide thakise. Tai bi Youths kan ke etu Poshan laga bhal kotha kan toh sob shati, khor osor-osor manu aro society kan ke janaidebole kuribi koi kena janaise. Kele etu pora sob logot janijua hobo koi kena.
Add Comment