WELLINGTON: November 26, 2020. Wednesday din officials khan para koishe ke, New Zealand’s east coast, para 800 km (497 miles) jaikena Chatham Islands te 100 pilot whales aro bottlenose dolphins 100 neshina morishe. Hafta pura pasikena thaka nemite aro manuh para motob thibo koile be island toh besi thur te thaka nemite dhuk thakishe. New Zealand laga Department of Conservation (DOC) para koishe ke, sob melaikena 97 pilot whales aro 3 dolphins morikena thakishe, etu oper te khobor toh Sunday din honishe. “kali 26 whales zenta thakishe, baki pura toh besi komjur hoishe. Paani toh besi kara kowa nemite aro etu oper te tangor white sharks thaka nemite te be paani para oper te ahi,” koikena DOC Biodiversity Ranger Jemma Welch para janaishe. Chatham Islands te etu neshina besi hoi thaki, 1918 saal te be ek paar pasai te 1,000 jawan morishe. Aji-kali laga zamana te whala pasa toh khobor ase aro etu keli hoi thaki kowa laga sawal toh biologists khan nemite besi saal para bapana kori ase. Etu saal September moina te Australian coast te 100 neshina whales morishe koishe.
Add Comment