Zelensky koishey Russian hamla jai ase Putin ‘Easter Truce’ announce kuri kina b

Ukraine, 20 April 2025: Russian President Vladimir Putin pra koishey tai pra taila forces khan ke order kuri shey sop military activities khan toh rukhabo leh Ukraine te. Tai pra “Easter truce” declared kuri shey Sunday din tak. Tai pra koishey 30 ghanta truce toh 22:00 BST Sunday din te chulibo, aro koishey Russian forces khan tayar thakibo lageh wapas jawab dibo leh eni possible violation ke. Ukrainian president Volodymyr Zelenskyy pra koisey Kyvi toh etu truce te adhere kuribo. Hoileh b tai Moscow ke ekta general impression ceasefire laka bana accused kuri shey. Tai pra Saturday din te koishey, Eni Russia khan echa achanak full aro unconditional silence laka format te charge kuri leh, Ukraine khan etu laka hisap pra kam kuribo- Russia laka action toh mirroring kuribo. Tai pra X te likhi shey, Moikhan laka action toh symmetrical ase aro enika thakibo. Full aro unconditional 30 din silence toh echa b table te he ase- Jawab pra Moscow pra ahibo lageh. Zelenskyy pra koishey Ukraine toh tayar ase truce toh extend kuribo leh 20 April pra hoi kina. Purana proposal ke refer kuri kina US pra 30 din ceasefire laka kute Ukraine te already Manzur thaki shey. Putin laka initial announcement ke respond kuri kina, Ukraine laka Foreign minister Andriy Sybiha pra X te likhi shey, Putin pra echa statement banai shey tai laka alleged readiness opor te ceasefire laka. 30 ghanta 30 din nahoi kina. Aro koishey, Unfortunately, moikhan lamba history ase tai laka statements aro actions khan namila toh. Moikhan jani ase tai laka khota toh bisas kuribo napareh aro moikhan actions sabo, khota nahoi kina. Putin pra temporary truce announced kuri shey meeting te tai laka chief of general Valery Gerasimov lokot.