Ukraine, 14 April 2025: Ukraine laka president Volodymyr Zelenskyy pra Donald Trump ke tai laka country te ahibo leh koishey kila laka deal nahwa agae te Russia lokot war toh khotom kuribo leh. Zelenskyy pra CBS’s 60 Minute programme nimite interview karne koishey, Morom pra, kila decision nahwa agae te, kila negotiation forms nahwa agae te, manu, civilians, warriors, hospitals, churches, bacha biya nahoileh mura ke sabo leh ahibi. Interview toh record kuri shey Sunday din laka khatarnak Russian missile hamla nahwa agae te Ukrainian city Sumy opor te. Tadeh 34 manu ke murai dishey- duita bacha milai kina aro 117 manu ke jokom kuri dishey. Trump pra etu hamla toh bishi biya ase koishey etu time te Germany laka chancellor-in-waiting, Friedrich Merz, Russia khan ke war crime commit kura accused kuri shey.
Echa tak eku immediate official announcement nai hamla opor te Russia pra. Kun laka forces osor border te tayari kuri ase koishey major offensive karne. Hamla toh ahishey kicha US, Ukraine laka sopse kara military ally, kam kuri ase war toh khotom kuribo leh- echa fourth saal te ase- negotiation through Trump laka under te. Kicha hamla opor te huti shey, US president pra koishey bishi biya ase aro taike koishey taikhan galti kuri shey, hoileh b etu opor te aro khota kura nai. Earlier, Trump laka special envoy Ukraine ke, retired Lt-Gen Keith Kellog pra koishey hamla toh deceny laka sop line par kuri dishey. Merz, kun ke expect kuri ase Germany laka nutun chancellor hubo leh ahibo month te, tai pra German public broadcaster ARD ke koishey Sumy te hamla toh serious war crime ase.
Add Comment