KIPHIRE,JULY 10,2019: Zisaji Presidency College Kiphire khan tai khan laga college bithor te Foundation Day Cum Freshers meet 2019 manishe .Etu te SDO (C) HQ Nyempo Wallim special guest thakishe .Etu special guest para koishe ekbar jeevan khotom hoishe koile toh wapas nahibo etu nimete tai para students khan ke career banabi koishe thik time te tai khan regret nakuribole nimete .
Principal, Zisaji Presidency College, Helen Jamie para college laga acamdeic performance te bhabana nishena thakishe aro koishe etu sal laga degree result toh bishi hoijaishe 80 percent te.Principal aro koishe ki students khan nimete e-libary bi di ase etu te Smart Class room facility bi ase .Principal para students khan ke mondangor hobi koishe aro bhal adaat dikhabi koishe . Mr Toju & Miss Dotsala ke Mr & Miss Fresher’ dishe.
Etu foundation day Cum Fresher’s day luwa nimete college osorte Boys Hostel bi khulidishe Chopongkyu Sr. Pastor KTBL para prathana kurikena .Official khobor hisaabte President para diya etu Hostel construction nimete sanction poisa toh Rajtrya Ujatra Shiksha Abhiyan (RUSA) Para Rs 2 crore dishe.
Add Comment