April 05, 2025, 06:10 PM: Zeliang Officers’ Association Nagaland (ZOAN) laga dui din laga 8th General Conference shuru hoishey, 4th April, 2025 tey. Kuntu toh hoiley Peren laga District HQ laga DC laga Conference Hall tey para loishey 5th April, 2025 tey. Tatey Dp. Chief Minister aru Planning & Transformation aru National Highways laga Minister incharge – TR Zeliang special guest hisap thaki kena.
Tai laga address tey, TR Zeliang para koishey “ moi khan itya laga homoi tey zinda thakiboley lagey aru future nimitey plan kuriboley lagey, moi khan olop rukhi kena poila ki hoishey utu ke honor kuriboley lagey, ek jawa homoi kuntu toh trailblazer khan para illuminate kurishey. Kun khan toh hoiley benchmark khan set kurey, aha generation khan nimitey. Itu bhi important asey, retrospect kuriboley aru reflect kuriboley karney, keneka aru kotey moi khan laga manu khan thaki thakishey aru itya kotey asey, aru ekta comparative study kuri kena.”
Culture laga preservation stress kuri kena, Zeliang para koishey, itu toh hoiley ekta inevitable fact asey, itu duniya logotey, itu Zeliang manu khan bhi modernization era tey asey. Eneka thakilebi, modernity toh rich tradition, language aru heritage logotey balance kuria toh hoiley sob para bishi important asey. Aru last tey toh, itu toh hoiley moi khan laga culture asey aru identity asey, kuntu toh moi khan ke define kurey. Aru judi moi khan itu ke harai diye, moi khan nijey ke harai dibo, Zeliang para koishey.
Business laga session tey, respective secretary khan para report khan present kuria pichetey, resolution khan laga adopt kuria laga aru agenda khan opor tey kotha khan kurishey. Aru utu pichetey ZOAN laga notun Executive khan install kuriboley laga prathana kurishey, itu 2025-2027 laga tenure nimitey, Executive Secretary, LBA, Rev. Wichampau Nchang para offer kuri kena.
Shuru shuru tey Raithu Newmai, General Secretary ZOAN para chair kurishey aru Dr. Hiabe Zeliang, President, ZOAN para ekta presidential address dishey aru Zandi Domta, President, NZPO para greetings janaishey. Ekta solidarity speech deliver kurishey, K. Haralu, Director (Retd.), Founding President, ZOAN para.
Itu event tey, appreciate kuria laga certificate khan dishey, paachta officer khan ke, tai khan laga mehnat laga recognition tey aru yeoman service laga recognize kuri kena, itu Veterinary Department aru Jalukie Village Phumling majetey mati laga issue settle kuria karney.
Add Comment