ITANAGAR | February 13: Arunachal Pradesh te zoologist pora saab laga ekta notun species(kisim) paise.
Help Earth, Guwahati laga Herpetologists, Jayaditya Purkayastha aro Museum National d’Histoire Naturelle, Paris laga Patrick David pora etu species paise.
Etu 48mm lamba zeher nathakiya saab laga species ke Crying Keelback ( Hebius lacrima) laga naam dise.
Etu powa toh ‘Zootaxa’, animal taxonomy laga journal te olaise.
Etu saab toh West Siang district laga Basar area te ‘jhum’ khedi koriya jakka te thakiye. Purkayastha pora koise ki ‘lacrima’ toh Latin te matlab toh gandiya ase – Saab laga soku nijete te kala daki thakiya toh gandiya nisina dekhiye.
“Moi pora etu saab toh Basar te 2010-11 te paise,” tai pora koise.
Add Comment