Zuckerburg para Biden administration kan Covid post keh censor kuri bole pressure di shae kui shae

August 27, 2024: House Judiciary Committee keh dia ekta letter deh, Mark Zuckerburg para Biden-Harris administration kan bishi bar Meta laka teams keh Covid-related posts kan censor kuri bole pressure di shae kui shae. Meta Chief Executive Officer para platform tho changes kan bana bole laki jai shae kui shae, kuto taikan aji khali kuri bo taka nai. Mark para tai regret kureh kuri shae tai kile etu laka kotha kura nai kui nah. “2021 sal deh, Biden Administration para senior officials kan bishi mohina karne mukan laka teams keh pressure kuri shae, kun bah COVID_19 content kan censor kuri bole. Aro mukan agree nakura time deh taikan kushi bah taka nai. Last deh tho mukan laka decision taki shae, content kan tho gira bo nah naki rabo kui nah aro mukan nijor laka decisions lui shae, pressure taka karne,” Mark Zuckerburg para letter deh kui shae, ANI laka isap deh.