Zunheboto Government College para condolence service loise

Kohima, 09 April: Zunheboto Government College (ZGC) te katha condolence service toh Thursday adha rati Dr P. Pandey mora opor te saman koribole nemite loise, Tai laga khor town, Madurai te. Tai toh college te 30 opor sal Asst. Professor hisab te Deparment of Politicial Science te kaam korise aro 2020 laga suru salt e retire hoise.
Principal of ZGC, Dr K Nishena Nekha para sob nemite ektum mondukh samai ase koise aro Dr.Pandey ke yaat kori kena tai toh college nemite hotai best lakiya manu thakise koise. Tai para be tai laga maike aro family ke condolence message toh post nahoile tusara means para tai laga home town, Madurai te pothabole janaishe. Principal para be Isor para family aro chari ja aatma ke ashirbat nemite prathana janaishe.
Vice principal, Zhekugha Sema para ministerial staff laga behalf te, sob manu khan toh District aro colleges te Dr Pandey korai ahibole nemite rokhi thakise koise kelay koile tai ke olop official kaam thaka nemite. Hoilebe tai morija toh kush napowa nahoile gopal nathaka ase koise. Tai para be Dr Pandey toh kaam, position khan te chari kena sob ke close relationship thakise koise. VP para be tai toh ektum friendly thakise aro tai toh bhai nesana aro tai ke hotai phal para guide kora thakise koise.
Tai para be tai khan family para dur thakise koilebe chari ja aatma nemite tai laga deep condolence pothaisehe koise.
Asst. professor, President ZGCTA, Dr Phukato Sema para be sob teacher laga behalf te kotha kora thakise.
Farewell program toh tai nemite jowa sal plan kora thakise hoilebe COVID lockdown nemite napara thakise aro tai laga last rites toh college te manaishe koise. Sema para be Dr. Pandey toh hotai generous thakise aro college te aro faculty staffs majote be phal environment maintain kora thakise koise.
Department of Political Science para student khan condolence speech deya samai achanak para Dr. Pandey mora hona toh sob nemite gopal nathaka ase koise. Tai ;aga guidance aro teachings toh kebah jaat koribole laga ase aro students para students laga phal nemite tai para kora sob chese te dhanyabad korise. Tai khan para tai toh sob ke samaan kora ektum supportive manu thakise koise. Students para be bereaved family ke ektum mondukh howa janaishe aro charija aatma nemite samaan korise.
Tusara teachers aro friends para be words of gratitude ao condolence message deshe. Former student aro former GS, Holoka T Sumi para be event te kotha korise. Tributary song toh Asst Professor Tiasunep Ozukum, Department of Geography para present kora thakise.