June 18, 2024 : The Deputy Commissioner Zunheboto, Rahul Bhanudas Mali, IAS para ekta order issue kurishey, 18th June 2024 tey, notify kurishey ki, itu ULB election 2024 laga conduct kuria laga view tey, aru itu State Election Commission letter No. SCE/MTC ELE-33/2024/266, Kohima, 15th June 2024 dated thaka laga pursuance tey, itu Inter Polling Station movement restrict kuri dishey, private gari khan aha jawa kuria tey, Zunheboto District under tey, itu Poll laga din tey, kuntu toh 26th June, 2024 para asey, 7:00 AM para 4:00 Pm tak shaam tey.
Aru bhi itu candidate khan ke toh hoiley duita gari he chulaboley dibo, 24th June 2024 para he, 26th June 2024 tak. Itu laga regard tey, itu candidate khan ke direct kurishey, ekta written permission loboley koishey, itu Deputy Commissioner & District Election Officer, Zunheboto laga Office para, aru itu respective Returning Officer para.
Itu mention kuri kena thaka restriction toh hoiley apply kuribo, itu sob gari khan ke, except utu gari khan ke kuntu toh requisitioned asey, election duty nimitey, viz District Administration, Police, Polling Personnel viz para, Election Duty, Medical Department & Department para State Election Commission aru gari khan medical exigencies aru alag emergency khan nimitey.
Itu order toh comply kuriboley fail hoishey koiley, strict action initiate kuriboley asey, itu defaulter khan laga against tey aru tai khan ke book kuriboley asey, relevant Section khan under tey, itu Representation of Peoples’ Act, 1951 laga aru Nagaland Municipal Act 2023 laga.
Add Comment