ZUNHEBOTO,NOVEMBER 20,2019: District Child Rights Ambassador programme para Zunheboto 19th November 2019 DC’s conference hall te shuru kurishe. Child Rights Ambassador toh ekta programme ase schools te Child Rights promote kuribole nimete .Etu programme para ekta bacha khan nijor nijor ke empower kurikena judi manu khan tai khan laga rights uporte khilaaf kurishe koile toh tai khan kotha kuribole paribo.
DC Zunheboto, Peter Lichamo para child rights problems uporte kotha kurishe.Aro tai koishe ami khan laga basic rights aro limitation khan janibole lageh aro bacha khan motivation khan lageh.Tai aro koishe ki bacha khan ke harassed kuri thakeh tai khan laga schools aro ghor te aro koishe tai khan laga administration bithor te harassment nathakibo.Tai aro kotha kurishe schools bithor te counselling aro guidance thakibole nimete aro department ke koishe etu Zunheboto district bithor te thaka sob schools te Child Rights Ambassadors toh shuru kuribole janaishe.
Olop akhe te etu programme toh J. Khetoholi Yepthomi, LCPO, DCPU para loishe aro Vivi para invocation dishe . Ruzonuo Rita Rutsa, DCPO Zunheboto para keynote address dishe etu pichede Deputy Commissioner Zunheboto, Kito, PO speech aro Child Rights Ambassador laga launch thakishe .IC para closing note dishe.
Add Comment