Zunheboto, December 2: Duniya laga dusra jaga khan logot join korikene 1st December 2016, Old Town Prayer Fellowship, Zunheboto te 29th World AIDS Day observe korikene thakishe aru theme ‘Hands up for HIV prevention’ under te eitu observation korikene thakishe.
Senior Medicine Specialist, District Hospital, Zunheboto, Dr. Akaho Awomi toh eitu event laga resource person thakishe.
Occasion te kotha korikene Dr. Akaho pora koise, HIV/AIDS pora toh duita successive World wars pora bi bisi manuh ke morai dikene ase. Hodai sal duniya te 2 million manuh khan eitu bimar pora mori ase. India te HIV/AIDS laga highest prevalence rate toh Nagaland state te ase aru hodai sal Nagaland te eitu bimar pora approximately 300 nisena manuh khan ke morai ase.
HIV/AIDS thaka manuh khan ke discriminate nakoribi koikene resource person pora manuh khan ke koise, victims khan ke hodai encourage aru support korikene thakibi. Judi thik steps loikene thaka nai koile HIV/AIDS pora future generations ke khotom kori dibo koikene Dr.Akaho pora koise, eitu bimar laga kotha toh family members, sathi aru neighbours khan ke janai dikene thakibi aru eneka korikene awareness create koribole proactive role play korikene thakibi.
District Program Officer (DPO), DACPU, Atokali Assumi pora keynote address korikene koise, HIV ki ase aru eitu pora ki biya kore, eitu kotha manuh khan ke janai dibole karone World Aids Day ke observe korikene thake. State aru district te HIV/AIDS laga present scenario laga ke bi tai pora highlight korikene thakishe.
Viketo pora eitu program ke chair korikene thakishe aru Supervisor, ICTC, Hokishe Chophy pora vote of thanks dikene thakishe. DAPCU, Zunheboto pora NZP+ aru HIV & AIDS Facilities logot collaboration korikene eitu program ke organize korikene thakishe.
Add Comment