Zunheboto, 08 May: Duniya logote Indian Red Cross Society, Zunheboto Branch para 8th May 2021 te World Red Cross Day toh Deputy Commissioner’s conference hall jaga te theme ‘wear mask to protect yourself and others and stop the spread of COVID-19’ te manaishe aro sob safety protocols te mani kena Jean Henry Dunant laga birth anniversary te honor korise.
Welcome address te Hony Secy, Dr Hokishe Kiho para IRCS Zunheboto branch laga activities lowa- (pandemic nemite state pahar para returnees ke motob kora, landslides nemite families ke motob, natural calamities para bosti te dekthari powa samai lok korikena aro saman dekena motob kora nesana) janaishe.
Deputy Commissioner and chairman of IRCS, Zunheboto branch Peter Lichamo para Red Cross Societies ke toh pura duniya te jani koise kelay koile dekthari samai te society te motob deya nemite. Etu para Red Cross Society toh ekta premium organizations ase aro etu te respect aro honour kori koise. Tai para be district brach toh pandemic laga worst effects te nejor daiyar thakibo laki koise. Tai para members ke motob lakiya te nemite hotai daiyar available thakibole appeal korise aro etu toh organization laga main objective ase koise.
Programme laga theme te kotha kori kena, CMO Zunheboto Dr Akaho Sema para India toh etiya pandemic laga 3rd stage te kushi ase koise. Etu mani virus toh sob jaga te ase aro community spread toh etiya unavoidable ase aro poila nesana contact tracing toh napariya hoise aro etu para desh te hotai din average te 4 lakhs opor positive cases aro 3500 opor mora result hoise koise.
Programme te Advisor IRCS, Dr Huskha Yepthomi para Red Cross Society suru howa opor te koise. Vote of thanks deya samai former V/chairman Hokugha Sükhalu para IRCS, Zunheboto ke appeal korise ekta jaga te he nathakibole aro pariya sob ways te besi useful hobole koise. Programme te V/chairman Kashito Yepthomi para chaired thakise.
Add Comment