December 27, 2024, 07:51 PM: Zutovi Ghami Baptist Akukuhou para tai khan laga 75 Platinum Jubilee celebrate kurishey, December 27th, 2024 tey.
Rev. Dr. Phughoto Sema para itu celebration tey, Guest Speaker hisap buhi ken aitu event ke grace kurishey. Dr. Pughoboto Sema para Jubilee Monolith toh unveil kurishey. Zutovi Bosti toh hoiley, Government para 1948 para recognize kurishey aru 1949 tey inaugurate kurishey, Kakheho Achumi para koishey.
Zutovi Bosti laga sob para poila pastor thaka toh hoiley – Lt. Nithashe Achumi thakishey, Kakheho Achumi para koishey.
Komse kom 172 ghor khan asey itu bosti tey aru sob member khan para donate kurishey, itu Jubilee toh celebrate kuriboley karney. Jubilee tey khawa loa kuria toh hoiley Head GB – Vikuto Achumi aru tai laga Parivar para donate kurishey, Kakeho Achumi para koishey.
Add Comment