Toronto, 6 August : Top seed Alexander Zverev Canadian Open te Alexei Popyrin laga title defence khotom kori dise, 6-7(8), 6-4, 6-3 te jiti jaise aru semifinals te punchi jaise.
Itu Zverev laga 75th tour-level semi-final ase, aru etiya Novak Djokovic (196) logot milaike duita he active manu ase jun etu mark reach kori ase. Masters 1000 series te etu Zverev laga 21st semi-final ase — pichla saal laga Rolex Paris Masters pichite etu first — aru etu karone tai Andy Roddick ke cross kori 1990 pora hisab korile series history te seventh-most semi-final reach kora player boni jaise, ATP hisab te.
Match laga first set te dukhon player he minibreak lead aru set point pai thakise, kintu ekta netcord Popyrin ke advantage dise aru tai first set jiti loise. Second set te Zverev match laga first break pai jaise aru 3-0 lead loi loise aru etu lead tai rakhi thakise. Popyrin second set te ekbar break back korilebi, Zverev tai pora abar break pai set ke third te loi jaise, juntu te Zverev feri 3-0 lead loi thakise aru etu bar tai lead dia nai.
Zverev laga first-serve point te 82 per cent jiti loise aru last 17 serve point te 16 ta jiti loise. Tai match ekta dangor drop-volley winner diya te close kori dise, aru semifinals te Karen Khachanov nai Alex Michelsen ke wait kori ase.
Dusra side te, Karen Khachanov second set te back kori Alex Michelsen ke 6-4, 7-6 te harai semifinals te punchi jaise. Michelsen shuru te dangor khel kori 2-0 lead loi jaise, kintu etu besi time thaki nai. Khachanov charta game ekdom consecutive jiti, break deficit ke break lead te convert kori, aru etu lead tai hold kori first set loi loise.
Add Comment