June 27, 2021. Zydus Cadila para janaishe ke, 12 umer para loikena 18 umer dak te vaccine toh aha din olaboli ase aro etu kam nemite statutory permissions paishe, koikena Saturday din Centre para Supreme Court logot janaishe. Zydus Cadila para DNA vaccines bonai ase, jodi etu manishe koile duniyaa te 1st DNA vaccine coronavirus nemite hobo aro desh te 4th paboli ase koishe. Jowa hafta officials para koishe ke Zydus Cadila para central drugs regulator apply hoikena COVID-19 vaccine ZyCoV-D toh emergency samai jolaboli manibo. Etu moina olop din akhe, Centre para affidavit te Supreme Court logot jawab deya te desh te vaccination policy toh rokaikena ase. Centre para aro court logot koishe ke, vaccine status toh desh te bapoli ase aro December moina te adults nemite paijaboli koishe. Centre para aro koishe ke, sob melaikena 135 crore doses paijabo aro 50 crore doses of Covishield, 40 crore doses of Covaxin, 30 crore doses of Bio E Subunit vaccine, 5 crore doses of Zydus Cadila DNA vaccine, aro 10 crore doses of Sputnik V, paboli ase koishe. Etu oper te Bio E Subunit vaccine aro Zydus Cadila DNA vaccine toh aha din nemite manibo. “vaccination drive toh jodi Government of India para vaccine neshina Pfizer, Johnson & Johnson, Moderna etc,” toh paishe koile besi tangor motob hoboli ase, koikena affidavit te janaishe. Vaccination policy toh dynamic aro static nahoi kowa te, centre para koishe ke, COVID-19 shots toh notun policy pithor te 18 umer logot free para thiboli ase koishe. Centre para aro koishe ke, states logot fake vaccine camps toh saikena tangor action loboli koishe. Etu oper te Centre para Supreme Court logot janaishe ke, sob melaikena 51.6 crore Covid vaccine doses toh July 31 darik dak te paijabo. Etu pithor te 35.6 crore doses toh thikena ase koishe.
Add Comment