BTS laga  agency BIG HIT Music para malicious post khilaf te strict kanooni action lobole

29 : K-pop group BTS ke represent kora agency, BIGHIT para etu band laga khilaf te iljam laga khan tu misa misi asey koisey aro rumour(khobor) tu galat asey koikina koisey. Etu company para taikhan laga artist laga rights ke violate(ulanghan) kora laga gala taro biya statement diya laga khilaf te kanooni action lobole warn kurisey. April 28 te, BIGHIT MUSIC para taikhan laga legal plan announce kurisey. Aro BTS laga khilaf te biya post khan dhala ke tackle kuribole nimitey ekta nutun law firm appoint kuribole laga plan janaisey. Ekta  South Korean media outlet para ekta report diya te etu confirm kurisey ki BIGHIT MUSIC para BTS laga khilaf te iljam laga khan tu galat asey koikina koisey. Korean media ke statement diya hisap te, etu agency para koisey, “Amikhan para etu janibo parisey ki organization khan para BTS laga member khan laga naam biya kuribole aro taikhan ke barbad kuribole laga aim para efforts dhala tu juwa olop hapta te bisi-bisi hoi asey.  Ageybarikina, etu artist khan laga naam biya kuribole, taikhan ke niche dikhabole aro taikhan laga majak urabole nohoilebi misa misi khobor spread kuribole kosis kora tu haad paar kuri asey.” Taikhan para agey barikina koisey ki taikhan tu etu harkat laga khilaf te bhal para decision loikina jawab dibo. Aro taikhan para kanooni kadam utha ke majboot banabole nimitey dusra law firm logotey milikina kaam kuribo.  Taikhan para zero-tolerance policy maintain kuribo aro etu mamla ke kara para deal kuribo, eku morom nakhaikina aro settlement nukurikina.” Etu majotey, BTS member khan tu taikhan laga military service kuri asey. Leader RM para tailaga second solo album ‘Right Person, Wrong Place’, May 24 te release kuribole asey.