Aamir Khan laga dukhi homoitey Kapil Sharma show para taikey hasaisey

New Delhi, April 29 : First time, Aamir Khan para Kapil Sharma laga Netflix show,’The Great Indian Kapil Show’ te ekta guest hoikina appear hoisey. Kotey tai para reveal kurisey ki tai etu show te etu nimitey ahibole faisla kurisey kilemaney tailaga jibon laga ekta  mushkil emotional homoitey Kapil laga comedy para taikey hasaisey. Aamir para koisey ki juwa dui saal adha tu tai nimitey mushkil thakisey aro Kapil laga comedy para tailaga diktar homoitey bisi dorkar thakiya laga support disey. Tai para koisey, “11 years hoijaisey, hoilebi ami tu first time etu show te attend kuri asey kilemaney amilaga juwa dui-saal-adha tu bisi mushkil thakisey. Ami tu ekta bisi mushkil emotional homoi gujari thakisey.” “Etu homoitey, ami Kapil laga comedy saisey aro etu para amikey bisi support kurisey. Apni khan para ami dukhi aro depressed thaka homoitey amikey hasaisey. Aro utu homoitey amikey lagisey ki ami etu show te ahibo lagey.” Etu episode te Sunil Grover aro Krushna Abhishek para entertain koraidiya laga skit dikhaisey aro ki ki kotha ke loikina discussion kuri thakisey. Aamir para award show attend nokora laga kotha koisey, tailaga nutun film khan te biya perform kora admit kurisey aro koisey ki dusra manu khan para taikhan laga baccha nimitey tailaga advice bisarey, hoilebi tailaga nijor baccha khan tailaga kotha noloi. Aamir Khan ke next ‘Sitaare Zameen Par’ aro ‘Lahore: 1947’ te dikhibole asey.