“Mukan laka Europe muri bol ekta risk ase’: France President para warning di shae

April 26, 2024: Thursday din deh President Emmanual Macron para ekta kara, aro integrated European Defense karne appeal kuri shae aro tai para continent tho United States laka ekta vessel taki bo nalageh kui shae. Global Stage deh, Macron para ekta assertive European Union karne taila vision outline kuri shae. Tai office deh buhi bole khali teen sal heh baji nah ase aro 2022 deh taila parliamentary majority hara piche deh, Macron, taila critics kan keh dika bo mun ase, tai itia b fresh thinking aro energy tho duri ase kui nah, kuto para taikeh presidency deh buhi bo di shae 2017 deh. Aro tai  ekta lame duck leader nahoi kui nah dika bole. “Mukan laka Europe muri boleh risk ase. Mukam etu risk kan face kuri bole equipped nahoi,” Macron para taila speech deh kui shae, Paris laka Sorbonne University deh. Tai para military, economic aro alak pressures kan para 27-nation Europe keh komsor bana bo pareh kui nah warning di shae. Macron para Russia kan keh jiti bole dibo nalageh Ukraine deh. Tai para Europe laka cybersecurity capacity deh ekta boost lageh kui nah mangi shae. Post-Brexit Britain lokot deh closer closer ties lageh kui shae aro ekta European academy ban abo lageh kui shae high-ranking military personnel kan keh train kuri bo karne. “Ekta defense industry nataka tak tho defense nai. Mukan laka hath deh decades laka under investment ase,” tai para kui shae. Tai para aro Europeans kan keh preference dibo lageh kui shae European military saman kan kini bole. “Mukan aro produce kuri bo lageh, mukan aro phat produce kuri bo lakegj aro mukan Europeans taki nah produce kuri bo lageh,” Macron para kui shae.