Japan town para Mount Fuji view block kuri bole ase dictar dia tourist para

April 26, 2024: Japanese Authorities kan para ekta popular photo spot deh ekta dangor kala barrier installed kuri bole ase Mount Fuji laka view block kuri bo karne. Etu initiative tho dictar dia aro behave kuri bo napareh tourist kan karne kura ase. 2-5 metres (8 feet) high mesh net laka construction tho aha hapta deh shuru kuri bole ase, Fujikawaguchiko town laka official para kui shae Friday din deh. “Regrettable ase, mukan etu kuri bo lakeh kui nah. Kun bah rules keh respect nakura tourist kan karne,” latera kan pilai dia aro traffic rules kan nama na karne, tai para AFP keh kui shae. Etu sal, Kyoto laka geisha district para visitors kan keh ban kuri shae chutu private alleys deh gusi bole. Aro etu hua piche deh etu action tho sobse nutun direct action ase kuto Japan deh lua ase overtourism laka against. Mount Fuji kuto Japan laka sobse highest mountain ase, etu mountain keh alak alak jaka para kichi bo pareh Fujikawaguchiko laka resort town deh. Hoile b etu viewpoint tho kile pupular ase koile tho eja Lawson convenience store karne ase, kuto majestic volcano laka piche deh ahae. Visul juxtaposition karne, “ekta reputation social media deh spread hui nah ase, etu spot tho bishi Japanese ase kui nah. Etu karne bishi popular ase etu jaka tho,” ekta town official para kui shae. Hoile b traffic signs aro warning signs kan nama nah karne, etu measure lobo laki jai shae.